- शब्द/तस्बिर : मैत्या घर्ती मगर

रुकुमको तकसेरामा माघ महिना पारेर धनुकाँड हान्ने खेल आयोजना हुन्छ । गाउँले जम्मा हुन्छन् । घिउमा पकाएको पुरीमा सुँगुरको मासु उनी ढुंगाको पर्खालमा उनेपछि सुरु हुन्छ तारो हान्ने खेल । युवाहरू हातमा धनुकाँड लिएर लहरै निसाना लगाउन थाल्छन् । जसको सही निसाना लाग्छ, उसलाई विजयी घोषणा गरिन्छ । विजेतालाई काँधमा हालेर गाउँ घुमाइन्छ । भएसम्म विजेतालाई भान्जाले  बोक्छन् भने अरू नातेदारहरू नाचेर विजय उत्सवमा सामेल हुन्छन् । 

प्रकाशित: फाल्गुन २८, २०७२

0 comments

Write Down Your Responses