यो समाचारसंग सम्बन्धीत भिडियो हेर्न तलको क्लिक बक्समा गर्नुहोला
नेपालमै पहिलोपल्ट क्यान्सर विरुद्ध खोप दिइने
चितवन– नेपालमै पहिलोपल्ट चितवन र कास्कीमा एकसाथ महिलामा मात्र हुने पाठेघरको मुखको क्यान्सर बिरुद्ध एचपीभी खोप सुरु गरिने भएको छ । चितवन र काँस्की जिल्लालाई पाइलट प्रोजेक्टको रुपमा छानिएपछि पाठेघरको मुखको क्यान्सर रोकथामका लागि एचपीभी खोप तथा परीक्षण कार्यक्रम संचालन गर्न लागिएको हो ।
दुई जिल्लाका १० वर्ष उमेरका किशोरीलाई नेपाल सरकार स्वास्थ्य तथा जनसंख्या मन्त्रालयको स्वास्थ्य सेवा विभाग बालस्वास्थ्य महाशाखा र परिवार स्वास्थ्य महाशाखाको संयुक्त पहलमा खोप दिन कार्यको थालनी गरिने भएको हो । पाठेघरको मुखको क्यान्सर रोकथामका लागि एचपीभी खोप तथा परीक्षण कार्यक्रम सञ्चालन निर्देशिका समेत तयार भइसकेको छ ।
बालस्वास्थ्य महाशाखाका खोप अधिकृत भरत भण्डारीका अनुसार विद्यालय जाने कक्षा ६ मा अध्ययनरत विद्यार्थी र विद्यालय बाहिरका १० वर्ष उमेरका बालिकालाई यो खोप दिइने छ । खोप कार्यक्रम पौष १६ गतेदेखि २२ गतेसम्म सञ्चालन गरिने भण्डारीले जानकारी दिए ।
जिल्ला जनस्वास्थ्य कार्यालय चितवनले मंगलबार भरतपुरमा आयोजना गरेको सञ्चारकर्मीहरुलाई अभिमुखिकरण तथा अन्तक्र्रिया गोष्ठीमा दिइएको जानकारी अनुसार चितवन जिल्लाका आठ हजार बालिकालाई यो खोप दिइनेछ ।
बालस्वास्थ्य महाशाखाका खोप अधिकृत भरत भण्डारीका अनुसार विद्यालय जाने कक्षा ६ मा अध्ययनरत विद्यार्थी र विद्यालय बाहिरका १० वर्ष उमेरका बालिकालाई यो खोप दिइने छ । खोप कार्यक्रम पौष १६ गतेदेखि २२ गतेसम्म सञ्चालन गरिने भण्डारीले जानकारी दिए ।
२० जनासम्म छात्रा भएका विद्यालयमा १ खोप केन्द्र, नगरपालिकास्तरमा ४० जनासम्म छात्रा भएका विद्यालयमा १ खोप केन्द्र र विद्यालय बाहिरका छात्राको लागि स्वास्थ्य संस्थामा १ दिन खोप केन्द्र संचालन गरिने कार्यक्रम रहेको छ ।
विश्व स्वास्थ्य सङ्गठनका अनुसार संसारभरमा प्रत्येक वर्ष दुई लाख ७० हजार भन्दा बढी महिलाहरुको पाठेघरको मुखको क्यान्सरको कारणले मृत्यु हुने गरेको तथ्यांक छ । उक्त तथ्यांकमध्ये ८५ प्रतिशत मृत्यु विकासोन्मुख र अल्पविकसित देशहरुमा मात्रै हुन्छ । सन् २०१२ को तथ्यांक अनुसार संसारभरमा त्यस वर्ष पाँच लाख २८ हजार महिलामा पाठेघरको मुखको क्यान्सरको भएको पुष्टि भएको थियो । तीमध्ये दुई लाख ६६ हजार महिलाको मृत्यु भएको थियो ।
३५ देखि ६४ वर्षसम्मका महिलामा पाठेघरको मुखको क्यान्सर हुने गरेकाबताइन्छ । नेपालमा प्रत्येक वर्ष करिब १० हजार २० जनामा पाठेघरको मुखको क्यान्सर हुने अनुमान गरिएको छ । जसमध्ये ढिलो उपचारमा आउने कारण ५० प्रतिशतको मृत्यु हुने गरेको तथ्यांक छ ।
खोपको प्रभावकारिता र सफलतालाई हेरेर आगामी वर्षदेखि ७५ वटा जिल्लामा विस्तार गरिने कार्यक्रम रहेको पनि कोईरालाले जानकारी दिए ।
यो समाचारसंग सम्बन्धीत भिडियो हेर्न तलको क्लिक बक्समा गर्नुहोला
proplley
0 comments
Write Down Your Responses