यो समाचारसंग सम्बन्धीत भिडियो हेर्न तलको क्लिक बक्समा गर्नुहोला
पर्वतमा संसारकै दोश्रो अग्लो बञ्जी सहतिको साहसिक पुल निर्माण कार्य शुरु
पर्वत, पछिल्लो पटक जिल्लालाई पर्यटकीय क्षेत्रका रुपमा परिचित गराउनको लागि एक पछि अर्को पर्यटकीय गन्तव्य स्थलका निर्माण तथा निर्माणका कार्य भैरहेका छन् । जिल्लामा भएका पर्यटकीय क्षेत्रको पहिचान गरी पर्यटन प्रर्वद्धन गर्नको लागि जिल्लामा एक पछि अर्को पर्यटकलाई आकर्षक हुने स्थलको निर्माण गर्न थालिएको छ । नेपालकै अग्ला ३ झोलुङ्गे पुलको जिल्लाको रुपमा चिनिएको पर्वतलाई पर्यटकीय गन्तव्य स्थलका रुपमा चिनाउनको लागि एसियाकै पहिलो बन्जीजम्प सहितको साहसिक पुल निर्माण कार्यको थलानी भएको छ । पर्वतको कुश्मा नगरपालिका ८ चाक्लो डिलबाट र बागलुङको बलेवालाई जोड्न र यस क्षेत्रलाई पर्यटन गाउँका रूपमा बिकास गर्ने उद्देश्यले उक्त पुलको निर्माणको कार्य शुरु गरिएको छ ।संसारकै अग्लोमा दोस्रो बञ्जीका रुपमा संचालन हुन लागेको पु्लका लगानीकर्ता युवराज जोशीले जानकारी दिए । जिल्लालाई पर्यटकीय क्षेत्रका रुपमा विस्तार गराउनको लागि यो पुलको निर्माण कार्यको थलानी गरीएको जोशीको भनाई छ । संसारकै लामो स्वीङ र अति स्तरीय स्काई बृजले धेरै बाहृय पर्यटकहरूलाई कुश्मामा आकर्षित गर्ने विश्वास जोशीले गरेका छन् । उक्त पुलको निर्माणसँगै बलेवामा २० रोपनी क्षेत्रफलमा अत्याधुनिक सुविधा सम्पन्न रिसोर्ट समेत संचालन हुने भएको छ । उक्त रिसोर्टमा स्वीमिङ पुल, स्टिम वाथ र अति स्तरीय एवं अत्याधुनिक कोठाहरू निर्माण गरिने जोशीले सहरान्यूजलाई जानकारी दिए ।(फोटोमा कुश्मा–बलेवामा बन्न लागेको बञ्जी सहतिको साहसिक पुलको नमुना)पर्वतको मात्र नभएर नेपाल राष्ट्रकै गौरवका रूपमा निर्माण हुन लागेको यो बञ्जीले विश्वभरका साहसिक खेलाडिहरूलाई आकर्षित गर्ने विश्वास गरिएको पुलका अर्का लगानीकर्ता नेत्र पराजुलीले बताए । उक्त बञ्जीका लागि करिव ११ करोड देखि १२ करोड रूपैयाँ सम्म खर्च हुने अनुमान गरिएको छ । चार जना युवराज जोशी, नेत्र पराजुली, राज कार्की र फ्लोरीडाको लगानीमा बन्न लागेको उक्त साहसिक पुलको निर्माण कार्य इन्टर वल्र्डलाई जिम्मा दिइएको छ । उक्त पुल १ वा डेढ बर्षभित्र निर्माण कार्य सम्पन्न हुने जनाइएको छ । पुलको डिजाईन आर् के मलिकले गरेका हुन् ।कालीगण्डकी नदीमाथि निर्माण हुन लागेको यो पुलबाट साहसिक पर्यटकहरुलाई आकर्षकण गर्न सकिने बताइएको छ । पुलको निर्माणसँगै छिमेकी जिल्लाको बलेवा र कुश्माको पर्यटकीय क्षेत्रको विस्तार गर्न सहज हुने देखिन्छ । पुलको निर्माणसँगै बलेवामा रहेको प्रयोगविहिन एरपोर्टलाई समेत संचालनमा ल्याउने हो भने दुवै जिल्लाको पर्यटकीय विकासको लागि ठूलो अबसरका रुपमा सावित हुने देखिन्छ जसकालागि दुवै जिल्लाले पहल गर्नुपर्ने देखिन्छ ।-
0 comments
Write Down Your Responses